Xitoyda 8 yil davomida tezyurar poyezdlarda 5 milliarddan ortiq yo‘lovchi tashildi

Xitoyda tezyurar magistrallar ishga tushgandan keyingi sakkiz yil davomida tezyurar poyezdlar besh milliarddan ortiq yo‘lovchini tashidi. Bu haqda Xitoy temiryo‘l korporatsiyasi (China Railway Corporation, CRC) ma’lum qildi, deya xabar bermoqda “TASS”.

Foto: Fresher

Faqat 2015-yil davomida XXRda tezyurar poyezdlar yordamida 1,1 milliard kishi sayohat qilgan. Bu esa Xitoy temiryo‘llari orqali yo‘lovchi tashishning 45 foizga yaqinini tashkil etadi. Xabarda ta’kidlanishicha, har kuni mamlakatning tezyurar magistrallarida 4,2 mingta poyezd harakatlanib, ular yordamida 4 milliondan ortiq safar amalga oshiriladi.
XXR taraqqiyot va islohotlar masalalari bo‘yicha davlat qo‘mitasining ma’lum qilishicha, Xitoy hukumati 2025-yilga qadar tezyurar magistrallar masofasini ikki barobarga oshirishni rejalashtirmoqda. Hozirgi paytda ularning uzunligi 19 ming kilometrni tashkil etadi. Bu dunyo bo‘yicha shunday yo‘llar uzunligining taxminan 60 foizini tashkil etadi.
Batafsil | Подробно | Read more... Daryo