Turkiyada Erdo‘g‘onning 283 nafar soqchisi hibsga olindi

Turkiya hukumati prezident Rajab Toyyib Erdo‘g‘on gvardiyasining harbiy to‘ntarishga urinishda gumon qilingan 283 nafar a’zosini hibsga oldi. Bu haqda “Korrespondent.net” xabar bermoqda .

Foto: EPA

2 500 nafar harbiydan iborat gvardiya Anqaradagi prezident saroyida joylashgan. CNN Turk telekanalining ma’lum qilishicha, 300 harbiyni qo‘lga olish uchun buyruq berilgan. Hozircha faqat poytaxtda bo‘lganlar hibsga olindi.
Avvalroq Turkiya bosh vazirining o‘rinbosari Nuriddin Janikli to‘ntarishga urinishdan so‘ng qo‘lga olingan va ishdan haydalganlar soni 60 mingga yaqin ekanini aytib, hibsga olinadiganlar ko‘proq bo‘lishiga va’da berdi.
Iste’foga chiqarilgan va qo‘lga olinganlar orasida 9 ming nafardan ortiq politsiyachi, 3 ming sudya hamda 6 ming harbiy, shuningdek, o‘qituvchi va dekanlar bor.
Batafsil | Подробно | Read more... Daryo