AQSh termasi Rio–2016 Olimpiadasida eng ko‘p sportchiga ega jamoa bo‘ladi

AQSh termasi Rio–2016 Olimpiada o‘yinlarida eng ko‘p sportchi bilan ishtirok etadigan jamoa bo‘ladi. Bu haqda NBC telekanaliga tayanib, “TASS” xabar bermoqda .

Foto: Getty Images

AQSh terma jamoasi tarkibidan 555 nafar sportchi joy oldi. Bundan avval AQSh termasi 2004-yili Afinada bo‘lib o‘tgan Olimpiada o‘yinlarida eng ko‘p – 613 sportchi bilan to‘rt yillikning eng nufuzli turnirida ishtirok etgandi.
Rio–2016 Olimpiadasida sportchilarning soni bo‘yicha Braziliya termasi (462) ikkinchi, Germaniya jamoasi (425) uchinchi bo‘ldi. Olimpiadaga 416 sportchi bilan tashrif buyuradigan Xitoy terma jamoasi sportchilar soni bo‘yicha to‘rtinchi ko‘rsatkichni qayd etdi.
Qayd etish joiz, AQSh terma jamoasining Rio–2016 Olimpiada o‘yinlariga yakuniy tarkibi bugun, 23-iyul kuni e‘lon qilinadi.
Eslatib o‘tamiz, Rio–2016 Olimpiada o‘yinlari 5–21-avgust kunlari bo‘lib o‘tadi.
Batafsil | Подробно | Read more... Daryo