OAV: Braziliya hukumati terrorizmda gumonlanayotganlar haqida FQBdan ma’lumot olgan

Braziliya hukumati IShID terrorchilik guruhiga aloqadorlikda va Rio-de-Janeyroda Olimpiada o‘yinlari chog‘ida terakt uyushtirishni rejalashtirishda gumon qilinib qo‘lga olingan shaxslar guruhi haqida AQSh Federal qidiruv byurosidan ma’lumot qabul qilib olgan. Bu haqda Globo gazetasiga tayanib, “TASS” xabar berdi .

Foto: Flickr

“Ushbu organ Braziliya hukumatiga IShIDni qo‘llab-quvvatlab, ekstremistik g‘oyalar bilan chiqqan kamida olti kishining borligi haqida ogohlantirilgan hujjatni yubordi”, — deb yozadi Globo. Nashr tekshiruv uchun mas’ul bo‘lgan Braziliya prokurori Rafael Brum Miron so‘zlarini ham keltirib o‘tdi, uning ta’kidlashicha, hibsga olinganlar onlayn-messenjer orqali bomba tayyorlash usullarini muhokama qilgan.
Nashr eslatishicha, 21-iyul, payshanba kuni Braziliya huquq-tartibot organlari IShID terrorchilik guruhiga aloqadorlikda va Rio-de-Janeyroda Olimpiada o‘yinlari chog‘ida terakt uyushtirishni rejalashtirishda gumon qilib, o‘n kishini qo‘lga oldi. Mamlakatning o‘nta shtatida keng ko‘lamli “Xeshteg” aksilterrorchilik operatsiyasi o‘tkazildi. 22-iyul, juma kuni ushbu ish bo‘yicha o‘n birinchi gumonlanuvchi hibsga olindi. Yana bir kishi qidiruvda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo