Rossiya mudofaa vazirligi harbiy-kosmik kuchlarning AQShning Suriyadagi bazasiga zarbalari haqidagi xabarlarni izohladi

Rossiya mudofaa vazirligi OAVlarning Rossiya aviatsiyasi Britaniya va Amerika maxfiy bazasiga zarbalar bergani haqidagi xabarlarini izohladi, deb yozadi “Gazeta.ru”.

Foto: “Uinp.info”

Rossiya mudofaa vazirligi rasmiy vakili Igor Konashenkov ta’kidlashicha, IShID terrorchilik guruhiga qarshi kurash bo‘yicha xalqaro koalitsiya harbiylari duch kelgan, Rossiya harbiy-kosmik kuchlari faoliyat yuritayotgan hududga tushib qolish xavfi uchun javobgarlik ularning harbiy rahbariyati zimmasidadir.
“Suriyadagi IShIDga qarshi koalitsiya mamlakatlari maxsus bo‘linmalarining harbiy xizmatchilari Rossiya harbiy-kosmik kuchlari aviatsiyasi qo‘llanilayotgan hududlarga tushib qolish xavfiga duch kelayotgani uchun javobgarlik faqat ularning harbiy rahbariyati zimmasida. Biz doimiy ravishda va barcha mavjud kanallar orqali sheriklarimizni ularning nazorati ostidagi ‘mo’tadil muxolifat’otryadlarining joylashuvi haqida ma’lumot berib turishga chaqiramiz”, — dedi u.
Nashr eslatishicha, avvalroq The Wall Street Journal nashri Rossiya harbiy-kosmik kuchlari Suriyadagi AQSh foydalanadigan bazaga zarbalar bergani haqida xabar qilgan edi. Kremldagilar AQShning Suriyadagi maxfiy bazasi haqida bilmasligini ta’kidladi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo