Times: XOQ yangi qayta tekshiruvdan so‘ng rossiyalik sportchilarning doping namunalari ijobiy chiqqanini aniqladi

Xalqaro olimpiya qo‘mitasi (XOQ) yangi qayta tekshiruvdan so‘ng rossiyalik sportchilarning 2008 va 2012-yilgi Olimpiada o‘yinlarida topshirgan doping namunalari ijobiy chiqqanini aniqladi. Bu haqda, Times’ga tayanib, “TASS” xabar bermoqda .

Foto: “TASS”

Aynan nechta rossiyalik sportchida doping-proba ijobiy chiqqani haqida ma’lumot berilmagan.
22-iyul, juma kuni XOQ 2008 va 2012-yilgi Olimpiada o‘yinlarida topshirilgan doping-probalarni qayta tekshirishning ikkinchi to‘lqini haqida ma’lum qilgandi. Unga ko‘ra, 45 nafar sportchining namunalarida taqiqlangan preparatlar aniqlangan . 23 ta ijobiy natija Olimpiada o‘yinlarining sovrindorlarida chiqqan.
Avvalroq qayta tekshiruvning birinchi to‘lqinida Pekin–2008 o‘yinlarining 454 ta namunasidan 30 tasi ijobiy chiqqan edi. London–2012 o‘yinlaridagi qayta tekshirilgan 265 ta namunadan 23 tasi ijobiy natija bergan.
Rossiya olimpiya qo‘mitasi rahbari Aleksandr Jukov 22-iyul, juma kuni tashkilot ikkinchi qayta tekrishuv natijasida rossiyalik sportchilardan aniqlangan ijobiy doping-probalar haqida hech qanday ma’lumot olmaganini aytib o‘tdi.
Batafsil | Подробно | Read more... Daryo