Klinton ilk bor Timoti Keyn bilan birga chiqish qildi va yana Trampni tanqid ostiga oldi

Respublikachilardan prezidentlikka nomzod Donald Tramp barcha muammolarni o‘zim hal qilaman deb hisoblasa, demak, u AQShni tushunmaydi. Bu haqda sobiq davlat kotibi, Demokratik partiyadan AQSh prezidentligiga nomzod Hillari Klinton o‘z chiqishida ma’lum qildi, deb  xabar bermoqda “TASS”.

Foto: Getty Images

“Donald Tramp Amerika inqirozga yuz tutgan deb hisoblashi mumkin, biroq u adashadi. Amerikaning eng yaxshi kunlari hali oldinda”, — dedi u Mayyamida (Florida shtati) vitse-prezidentlik lavozimiga nomzod sifatida tanlagan Virjiniya shtati senatori Timoti Keyn bilan birgalikdagi chiqishida.
“Tramp ‘bularning barchasini bir o‘zim hal qila olaman’ deganida u nafaqat adashadi, balki bu xavfli xatodir. Biz muammolarni birga hal qilamiz, agar Donald buni tushunmasa, u Amerikani ham tushunmaydi”, — deb ta’kidladi Hillari.
Eslatib o‘tamiz, avvalroq Hillari Klinton Virjiniya shtati senatori Tim Keynni vitse-prezidentlik lavozimiga nomzod sifatida tanlaganligi haqida ma’lum qilingan edi.
Batafsil | Подробно | Read more... Daryo