Tesla Motors va SolarCity qo‘shilish haqidagi kelishuvda siljishga erishgani bildirildi

Tesla Motors va SolarCity qo‘shilish haqidagi kelishuvda siljishga erishdi. Bu haqda vaziyat bilan tanish manbalar ma’lum qildi, deya xabar beradi “RBK”.

Foto: Reuters

Manbalarga ko‘ra, kompaniyalar dyu-dilijens, ya’ni investitsiya kiritilayotgan obyektning bozordagi o‘rni va moliyaviy holati haqida ma’lumotlar olishning yakuniy bosqichida. Ular yaqin kunlar ichida kelishuvga erishishi mumkin, shu bilan birga, muzokaralar muvaffaqiyatsiz yakunlanishi ehtimoli ham yo‘q emas.
Tesla quyosh energiyasi tizimlari bilan shug‘ullanadigan SolarCity kompaniyasini sotib olish haqida o‘tgan yil iyunida taklif kiritdi. Taklif etilgan baho aksiya uchun 26,5 dan 28,5 dollargacha, bitimning umumiy qiymati esa 2,86 milliard dollardan iborat.
Ma’lumot uchun, Tesla asoschisi Ilon Mask SolarCity direktorlar kengashi raisi va aksiyalarining asosiy egasi (22%) hisoblanadi. U ikki kompaniyaning aksiyadorlari ham kelishuv uchun ovoz berishi, biroq o‘zi bundan tiyilishini bildirdi.
Batafsil | Подробно | Read more... Daryo