Eronda 100 ming antenna va sun’iy yo‘ldosh televideniyesi qabul qilgichlari yo‘q qilindi

Eronda signal qabul qiluvchi uskunalarning noqonuniy tarqalishiga qarshi kurash kampaniyasi doirasida 100 ming antenna va sun’iy yo‘ldosh televideniyesi qabul qilgichlari yo‘q qilindi. Bu haqda “Interfaks” xabar bermoqda .

Foto: EuroRadio

Kampaniya Tehronda, Eronning “Basij” ko‘ngilli otryadi rahbari general Muhammad Rizo Nag‘diy ishtirokida amalga oshirildi.
“Haqiqat shundaki, sun’iy televideniye kanallarining ko‘pchiligi jamiyat axloq-odobi va madaniyatiga putur yetkazadi. Bu kanallar erishmoqchi bo‘lgan narsalar — ajrashishlar sonini oshirish, moyilliklar va ijtimoiy beqarorlik targ‘iboti”, — dedi u.
Generalning ta’kidlashicha, milliondan oshiq fuqaro sun’iy yo‘ldosh televideniyesi signalllarini qabul qiluvchi uskunalarini o‘z ixtiyori bilan topshirgan.
Batafsil | Подробно | Read more... Daryo