Yangi zelandiyalik sportchi Rio-de-Janeyroda politsiya kiyimidagi jinoyatchilar tomonidan tunab ketildi

Yangi zelandiyalik jiu-jitsu kurashchisi Jeyson Li 24-iyul, yakshanba kuni Rio-de-Janeyroda politsiya kiyimidagi qurollangan kishilar tomonidan o‘g‘irlanib, tunab ketildi. U o‘zini ozod qilishlari uchun ikkita bankomatdan pul yechib olishga majbur bo‘ldi, deya xabar bermoqda “TASS”.

Foto: “Km.ru”

27 yoshli sportchi bir yilga yaqin vaqtdan buyon Braziliyada istiqomat qiladi. Uning so‘zlariga qaraganda, politsiya kiyimidagi erkaklar uning mashinasini to‘xtatib, unda tintuv o‘tkazgan. Shundan so‘ng uning pasporti bo‘lmaganligi uchun qonunni buzganligini ma’lum qilgan. Ular sportchini yo‘ldan chetga chiqishga majbur qilib, o‘zlarining mashinasiga o‘tqizgan va qurol bilan tahdid qilib, 20 ming real (615 dollarga yaqin) pul talab qilgan.
Lining yonida deyarli pul bo‘lmaganligi uchun jinoyatchilar uni bankomatgacha olib borgan. Sportchi bankomatdan naqd pullarni chiqarib bergan. Shundan so‘ng hech kimga aytmaslik haqida ogohlantirib, uni qo‘yib yuborishgan. Shunga qaramasdan, Yangi zelandiyalik politsiyaga murojaat qilgan.
Sportchining so‘zlariga qaraganda, u hech qachon o‘zini bunchalik o‘limga yaqin his qilmagan.
Batafsil | Подробно | Read more... Daryo