O‘zbekistonlik bokschi Qudratillo Abduqahhorov WBC’ning Asian Boxing Council Silver kamarini qo‘lga kiritdi

Singapurdagi Far East Square sport arenasida tashkil etilgan professional boks kechasida o‘zbekistonlik Qudratillo Abduqahhorov Xalqaro boks kengashi (WBC)ning Asian Boxing Council Silver kamari uchun tashkil etilgan 12 raundlik jangda filippinlik Adones Kabalkuinto bilan kuch sinashdi. Bu haqda “Sports.uz” xabar bermoqda .

Foto: “Sports.uz”

12 raund davom etgan og‘ir jangda o‘zbekistonlik bokschi hakamlarning yakdil qarori (117-111, 118-110, 117-111) bilan zafar quchdi.
Taqqoslash uchun, Abduqahhorov professional ringda 8 ta jang o‘tkazib, barchasida (shulardan 5 tasida nokaut bilan) g‘alaba qozongan. Filippinlik bokschi professional boksda 26 ta jang o‘tkazgan va 24 tasida (shulardan 15 tasida nokaut bilan) zafar quchib, 2 tasida imkoniyatni boy bergan.
Qudratillo Abduqahhorov ketma-ket sakkizinchi g‘alabasidan so‘ng Asian Boxing Council Silver kamarini qo‘lga kiritdi. Bungacha o‘zbekistonlik bokschi mamlakat chempioni va World Boxing Foundation International sovrini sohibi bo‘lgandi.
Batafsil | Подробно | Read more... Daryo