Basketbolchi Maykl Jordan AQShda “tinchlik muloqoti” uchun 2 million dollar xayriya qildi

Amerika basketbolining afsonasi Maykl Jordan mamlakatni birlashtirish va afroamerikaliklar va politsiya o‘rtasidagi munosabatlar keskinligini yumshatish uchun “tinchlik muloqoti”ni o‘rnatishga chaqirdi. Bu haqda “TASS” xabar bermoqda .

Foto: EPA

U 25-iyul, dushanba kuni The Undefeated nashrida chop etilgan bayonotida ikki tashkilotga—  yaqinda AQSh politsiya rahbarlari assotsiatsiyasi tomonidan ta’sis etilgan Politsiya va jamiyat o‘rtasidagi o‘zaro munosabatlar instituti va Rangli aholining taraqqiyotiga ko‘mak berish milliy assotsiatsiyasi qoshidagi Huquqiy himoya jamg‘armasiga 1 million dollardan xayriya qilishini ma’lum qildi.
Bu pullar AQShning qora tanli fuqarolari va mamlakat huquqni muhofaza qilish organlari o‘rtasidagi o‘zaro hurmat va ishonchni mustahkamlashga qaratilgan loyihalar uchun sarflanishi lozim.
Batafsil | Подробно | Read more... Daryo