Hindistonda it xo‘jayinining oilasini saqlab qolish yo‘lida to‘rt ilonga qarshi kurashib, halok bo‘ldi

Hindistonning Orissa shtatidagi Sebakpur qishlog‘ida doberman zotiga mansub it xo‘jayinining oilasini ilonlar hujumidan saqlab qoldi. Bu haqda Mashable xabar bermoqda .

Foto: Mashable

Ma’lum bo‘lishicha, to‘qqiz kishi istiqomat qiladigan uyga bir vaqtning o‘zida to‘rtta kobra yaqinlashib kelgan. Laqabi aytilmagan it esa ularga tashlangan.
Xabar berishlaricha, it to‘rtala ilonni o‘ldirmagunicha kurashavergan. Jang yakuniga yetganidan so‘ng, ilonlarning sanoqsiz chaqishlari natijasida, bir necha daqiqa o‘tmay, o‘zi ham halok bo‘lgan.
“Dahshatga tushyapman! U meni va oilamni saqlab qolish uchun o‘z jonidan voz kechdi. Uni o‘lgunimcha unutmayman”, — dedi itning egasi Dibakar. Oila itni boqib olganiga endi bir necha oy bo‘lgan edi.
Voqeadan xabar topgan qishloq ahli gulchambarlar olib kelib, itga hurmat bajo keltirgan. Qayd etishlaricha, doberman uchun haqiqiy dafn marosimi uyushtirilgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo