Avstraliya qamoqlarida aborigen bolalar qiynoqqa solinayotgani ma’lum bo‘ldi

Avstraliyaning Shimoliy hududidagi qamoqxonalarda o‘smirlarga nisbatan qiynoqlar qo‘llanayotganiga isbot-dalillar paydo bo‘ldi. Bu haqda, ABC News telekanaliga asoslanib, “Korrespondent.net” xabar bermoqda .

Kadr: YouTube

Telekanal qamoqxona xodimlarining bolalarni xo‘rlashi aks etgan, 2010–2015-yillarga oid syomkalardan tuzilgan videofilmni namoyish etdi.
Mamlakat bosh vaziri Malkolm Ternbull videoda qayd qilingan faktlar yuzasidan surishtiriv ishlari olib borilishiga va’da berdi. U, shuningdek, mazkur videolavhalar ilgariroq ommalashtirilmaganidan norozilik bildirdi.
Independent nashrining bildirishicha, huquq himoyachilari mamlakatning og‘ir tartibli jazo muassasalarida bolalar qiynoqqa solinishi haqida bir necha marotaba yozgan edi. Jumladan, o‘smirlar yechintirilib, kaltaklanishi, ularning kameralari ko‘zdan yosh oqizuvchi gazga to‘ldirilishi uqtirilgan edi.



Barcha jabrlangan bolalar tub aholi vakillari ekanligi aytilmoqda. Shimoliy hududda jinoyatchilik darajasi juda yuqori hisoblanadi, mahbuslarning uchdan ikki qismini esa aborigenlar tashkil etadi.
Joriy yilning fevral oyida Avstraliya hukumati aborigenlar va kechki aholi o‘rtasidagi ijtimoiy notenglikni yo‘q qilish qiyin kechayotganini tan olgan edi.
Batafsil | Подробно | Read more... Daryo