Joriy yilda O‘zbekistonda 1250 km keng polosali optik-tolali tarmoqlar barpo etildi

2016-yilning birinchi yarmida O‘zbekistonda keng polosali foydalanish uchun 1250 kilometrdan ziyod optik-tolali tarmoqlar barpo etildi. Bu haqda Iqtisodiyot vazirligi va Davlat statistika qo‘mitasining O‘zbekiston Respublikasini 2016-yilning birinchi yarmida ijtimoiy-iqtisodiy rivojlantirish yakunlari bo‘yicha hisobotida aytib o‘tildi. Hisobotni O‘zbekiston Milliy axborot agentligi e’lon qildi .

Foto: Flickr

“2013—2020-yillarda O‘zbekiston Respublikasida telekommunikatsiya texnologiyalari, tarmoqlari va aloqa infratuzilmasini rivojlantirish dasturining amalga oshirilishi samarasida joriy yil birinchi yarmida keng polosali foydalanish uchun 1250 kilometrdan ziyod optik-tolali tarmoqlar barpo etildi”, — deyiladi hujjatda.
Aholini raqamli televideniye bilan qamrab olish darajasi 68 foizga yetkazildi. Davlat axborot resurslari soni 318 taga yetkazildi, davlat organlari axborot tizimlari 485 ga yetdi, 286 turdagi interfaol xizmatlar joriy etildi. O‘tgan davrda Yagona portal orqali 677 mingdan ziyod xizmatlar ko‘rsatildi va o‘sish o‘tgan yilning shu davriga nisbatan 2,7 barobarni tashkil qildi.
Batafsil | Подробно | Read more... Daryo