Turkiya hukumati muxolifatchi gazeta sobiq xodimlarining 47 nafarini hibsga olishga sanksiya berdi

Turkiya hukumati Zaman muxolifatchi gazetasi sobiq xodimlarining 47 nafarini hibsga olish haqida qaror chiqardi. Bu haqda Anadolu agentligi ma’lum qildi, deya xabar bermoqda “TASS”.

Foto: Ahaber

Ma’lum qilinishicha, qaror nashrning sobiq rahbar va xodimlari, jumladan, tahririyat maqolalari mualliflariga daxldordir. Turkiya hukumatining fikricha, gazeta mamlakatda to‘ntarishga urinishni tashkil etishda ayblanayotgan muxolifatchi Fathulloh Gulen tarafdorlarining “jarchi”si bo‘lib xizmat qilgan.
25-iyul, dushanba kuni Turkiyada davlat to‘ntarishiga urinishda aloqadorlikda gumon qilingan 42 nafar jurnalistni hibsga olish haqida buyruq berilgan edi.
Eslatib o‘tamiz, Turkiyada 16-iyulga o‘tar kechasi isyonchilar guruhi tomonidan harbiy to‘ntarishga urinish amalga oshirilgan edi.


Turkiyadagi harbiy to‘ntarish



Batafsil | Подробно | Read more... Daryo