Tramp: Rossiyada hech qanday investitsiyalarim yo‘q

Donald Tramp uning Rossiyada investitsiyalari yo‘qligini rasman ma’lum qildi. Bu haqda AQSh prezidentlik lavozimiga Respublikachilar partiyasidan nomzod Twitter’dagi sahifasida ma’lum qildi, deya xabar bermoqda “Vedomosti”.

Foto: BBC

Bunga Demokratik partiya milliy qo‘mitasi pochta serveriga buzib kirilishi ortida Trampni qo‘llab-quvvatlashga urinayotgan Rossiya turgan bo‘lishi mumkinligi haqidagi demokratlarning bayonoti sabab bo‘ldi. Tramp avvalroq ham bunday mantiqni tanqid qilgan va demokratlar WikiLeaks bilan bog‘liq mojarodan e’tiborni chalg‘itish maqsadida uning Rossiya bilan aloqasiga shama qilayotganligini bildirgan edi.
AQSh Demokratik partiyasi milliy qo‘mitasi pochta serveriga buzib kirilganligi haqida iyun oyida ma’lum bo‘lgan edi. 22-iyulda WikiLeaks qo‘mita a’zolarining yozishmalarini chop etdi. Ulardan qo‘mita a’zolari betaraflik talablariga qaramasdan, saylovoldi kurashida Berni Sanders emas, Hillari Klintonga yordam berishga uringanligini ko‘rish mumkin.
Batafsil | Подробно | Read more... Daryo