Yerevanda politsiya binosini qo‘lga olgan guruh vakillari shifokorlar garovga olinganini inkor qildi

Bir necha kunlardan buyon Armaniston poytaxti Yerevanning Erebuni tumanidagi politsiya patrul-post xizmati polkini ushlab turgan “Sasna srer” qurolli guruhi vakillari tez yordam brigadasini qo‘lga olgani haqidagi xabarlarni inkor qildi. Bu haqda “RBK” xabar bermoqda .

Foto: Photolure

“Ta’sis parlamenti” muxolif tashkiloti vakili Alek Yenigomshyan shifokorlar garovga olinmaganini, “ularning o‘rniga boshqa shifokorlar brigadasi kelganidan so‘ng” tibbiyot xodimlari bemalol ketishi mumkinligini uqtirmoqda.
Yenigomshyanning so‘zlariga qaraganda, polk hududiga uch kundan beri shifokorlar kelmayapti, guruh vakillaridan biri esa yaralangan bo‘lib, tibbiy yordamga muhtoj.


Yerevandagi qurolli qo‘zg‘olon


Ilgari “Sasna srer”chilar shifokorlarni garovga olgani xabar qilingan edi . Endilikda ushbu axborot inkor etilmoqda.
“Shifokorlar garovda emas”, — ta’kidladi Yenigomshyan.
Batafsil | Подробно | Read more... Daryo