BMT oziq-ovqat tashkiloti O‘zbekistondagi an’anaviy bug‘doy navlarini o‘rgandi

BMTning oziq-ovqat va qishloq xo‘jalik tashkiloti — FAO “O‘zbekiston fermer dalalarida bug‘doyning eski joy navlari: milliy darajada yig‘ilishi va saqlanishi sharhi” tadqiqotini e’lon qildi. Bu haqda “Gazeta.uz” xabar bermoqda .

Foto: “Gazeta.uz”

Tashkilot matbuot xizmatiga ko‘ra, tadqiqot 2010—2015-yillarda, O‘zbekistonda bug‘doyning an’anaviy xilma-xilligini asrab qolish maqsadida o‘tkazildi. Keyingi yillarda fermerlar bug‘doyning faqat zamonaviy navlaridan foydalanmoqda. Mutaxassislar fikricha, eski joy navlarida mintaqada kelajakda don yetishtirish uchun zarur bo‘lgan qimmatli irsiy resurslar mavjud.
Tadqiqotda bug‘doyning mahalliy navlari batafsil ro‘yxati, fermerlar ushbu navlarni ekishda davom etayotgan joylar, sharoitlar, sabablar va usullar bayon etilgan. Hujjatda, shuningdek, vakolatli shaxslar va eski joy navlaridan foydalanayotgan fermerlar uchun irsiy xilma-xillikni saqlab qolish yuzasidan tavsiyalar keltirilgan.
Batafsil | Подробно | Read more... Daryo