Devis Kubogi doirasidagi O‘zbekiston — AQSh uchrashuvida hisob tenglashdi

Toshkentda tennis bo‘yicha O‘zbekiston – AQSh terma jamoalari o‘rtasida Devis kubogi pley-off uchrashuvining birinchi kungi bahslari yakunlandi, deb xabar beradi O‘zbekiston Milliy olimpiya qo‘mitasi matbuot xizmati.

Foto: “Olamsport”

Dastlabki bahsda O‘zbekistonning birinchi raqamli tennischisi Denis Istomin besh set yakuniga ko‘ra, AQSh vakili Stiv Jonsonni mag‘lub etib, O‘zbekiston terma jamoasini hisobda oldinga olib chiqdi .
Ikkinchi o‘yinda Farrux Do‘stov AQSh terma jamoasi a’zosi Jek Sok bilan kuch sinashdi va 5:7, 3:6, 2:6 hisobida imkoniyatni boy berdi.
Shunday qilib, birinchi kungi bahslardan so‘ng o‘rtadagi hisob teng — 1:1.
19-sentabr kuni juftliklar bahsida Istomin / Do‘stov dueti Jonson / Kuerri juftligiga qarshi bahs yuritadi.
20-sentabr kuni o‘tkaziladigan yakkalik bahsida Denis Istomin Jek Sok bilan, Farrux Do‘stov esa Stiv Jonson bilan kuch sinashadi.
Batafsil | Подробно | Read more... Daryo