Aktrisa Saida Saidbekova uni yomon ko‘radigan muxlislarga javob qaytardi

Aktrisa Saida Saidbekova ijtimoiy tarmoqlar orqali unga haqoratomuz va nafratli fikrlar yozadiganlarga murojaat yozib qoldirdi, deb xabar bermoqda “Darakchi.uz”.

Foto: Instagram / @saidaxonsaidbekova

“Men sizlarni juda ham yaxshi ko‘raman. Ming bor uzr, agar kimgadir bilmay qo‘pol gap yozgan bo‘lsam. Chunki ba’zi bir suratlarimga qarab meni haqoratlaydiganlar, rollarimga qarab xunuk so‘zlarni yozadiganlar ko‘p. Shunga yarasha javob bersam, yana qo‘polga chiqarishadi. Aktrisaligimni yuzimga solishadi. Vaholanki, haqoratlaganda bir tiyinga qimmat aktrisasan deyishadi. Ularga javob berganimda bu gaplar qayerda qoldi? Javob bersam, aktrisasan qo‘pollik qilma deyishadi. Hozirgina bir tiyinga qimmat aktrisa ekanligimni uqtirganlar hurmatini talab qilishadi. Odam o‘zidan-o‘zi birovga haqoratli xabar jo‘natishi mumkinmi? Kimdir senga yomonlik qilmasa ham uni so‘kish mumkinmi? Kimgadir yozganiga yarasha javob yozsam, nega meni qo‘pollikda ayblashadi. O‘sha odamlarga savol bergim keladi: Sizga nima yomonlik qildim? Hech narsadan hech narsa yo‘q ham ayol kishini haqoratlash mumkinmi? Aktrisa ham odam, haqoratlasa indamay turish kerakmi? Qonun hammaga bir. Haqoratlaganga javobgarlik bor. Qonunda aktrisalarni haqoratlash mumkin deyilmagan. Imijim yoqmasa, qiz bola bo‘la turib haqoratli so‘zlar aytish kerakmi? Nahotki inson o‘z aybini bilmasa. Qaytar dunyo azizlar!”, – deya fikrini yozdi aktrisa Instagram’dagi sahifasiga.
Ushbu murojaatdan biroz vaqt o‘tgach aktrisa hatto yomon fikrlar yozgan muxlislariga ham o‘z mehrini izhor qilishga va aynan shu yo‘l bilan ularning qahrini yengishga qaror qildi. “Kayfiyatni 101 darajaga ko‘taramiz. Hammangizni yaxshi ko‘raman. Meni yomon ko‘rganlarni ham yaxshi ko‘raman. Sizlar borsizlar, hayotda oldinga qarab ketaveraman. Rahmat hammaga!”, – deb yozdi Saida Saidbekova.
Batafsil | Подробно | Read more... Daryo