Norvegiya Finlyandiyaga mustaqillik kuni munosabati bilan tog‘ sovg‘a qiladi

Norvegiya hukumati Finlyandiya bilan chegarani o‘zgartirib, qo‘shni mamlakatga tog‘ sovg‘a qilishni rejalashtirmoqda. Bu haqda, The Guardian’ga asoslanib, “Interfaks” xabar bermoqda .

Foto: “Volga Daily”

“Rasmiyatchilik qismi bor, yakuniy qaror hali qabul qilingan emas. Lekin biz bu masala bilan shug‘ullyapmiz”, — dedi Norvegiya bosh vaziri Erna Sulberg.
2017-yilda Finlyandiya mustaqilligining 100 yilligini nishonlaydi. Shu munosabat bilan Norvegiya Xalti tog‘ massivining o‘ziga tegishli qismini Finlyandiyaga sovg‘a qilmoqchi. Massivning katta qismi hozir ham Finlyandiya tarkibida. Shu bilan birga, Xaltining eng yuqori nuqtasi (1365 metr) Norvegiya hududida.
NRK telekanaliga ma’lum bo‘lishicha, Norvegiya qo‘shni davlatga 1331 metrlik cho‘qqini bermoqchi. Buning uchun chegarani 40 metr nariga siljitish kifoya. Norvegiya esa 0,015 kvadrat kilometr hududini yo‘qotadi.
Cho‘qqi, agarda Finlyandiyaga topshirilsa, mamlakatning eng yuqori nuqtasiga aylanadi.
Batafsil | Подробно | Read more... Daryo