Asad Fransiya hukumati vakillari bilan maxfiy uchrashganligi haqidagi mish-mishlarni rad etdi

Suriya prezidenti Bashar Asad Fransiya hukumati vakillari bilan terrorizmga qarshi kurashishga bag‘ishlangan maxfiy uchrashuv o‘tkazilganligi haqidagi mish-mishlarni rad etdi. Bu haqda “TASS” xabar bermoqda .

Foto: “TASS”

“Suriya va Fransiya hukumatlari vakillari o‘rtasidagi maxfiy uchrashuv haqida gapiradigan bo‘lsak, bunday uchrashuv bo‘lmagan va bo‘lishi ham mumkin emas. Har qanday bu kabi uchrashuv maxfiy emas, ochiq-oydin bo‘lishi lozim. Siyosatchilar o‘rtasidagi maxfiy uchrashuvlar nega kerak? Biz nimani yashirishimiz mumkin?” — dedi Asad Gretsiyaning Epsilon TV telekanaliga intervyu berish davomida.
“Qolaversa, fransuz hukumati Suriyadagi terrorchilarni qo‘llab-quvvatlashda ‘nayzaning uchi’ bo‘lgan. Bizda uchrashish uchun hech qanday sabab yo‘q, chunki dasturlarimiz butunlay bir-biridan farq qiladi. Bizning kun tartibimizdan terrorizmga qarshi kurashish joy olgan, Fransiya esa terrorchilarni qo‘llab-quvvatlab, turli bahonalar bilan Suriyaning ichki ishlariga aralashishni afzal ko‘rgan”, — deya qo‘shimcha qildi Suriya yetakchisi.
Batafsil | Подробно | Read more... Daryo