OAV: Suriya harbiy-havo kuchlari IShID nuqtalariga yopirilma hujum uyushtirdi

Suriya Arab Respublikasi harbiy-havo kuchlari ikkita provinsiyada IShID terrorchilik guruhi nuqtalariga zarbalar berdi, deb yozadi “Vedomosti” Suriyaning Sana davlat axborot agentligiga tayanib.

Foto: “Mil.ru”

“Tadmor (Palmira) shahridan shimoli-g‘arbdagi Xoms provinsiyasida Ash-Shayer gaz koni yaqinida Suriya HHK IShID marralariga yopirilma hujum uyushtirdi, natijada terrorchilar ko‘p jon va texnika yo‘qotdi”, — deb yozadi Sana.
“Deyr-az-Zor provinsiyasida Suriya HHK tomonidan IShID terrorchilari to‘plangan joylar va ularning boshpanalariga zarbalar berish chog‘ida ularning uchta boshpanasi vayron qilindi, ko‘plab jangarilar yo‘q qilindi”, — deya qayd etdi agentlik.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo