OAV: Turkiyada harbiy to‘ntarishga urinishdan so‘ng qo‘lga olingan 989 harbiydan 758 nafari ozod etildi

Turkiya hukumati 30-iyul, shanba kuni avvalroq mamlakatda harbiy to‘ntarishga urinishga aloqadorlikda gumonlanib qo‘lga olingan 989 nafar harbiy xizmatchidan 758 nafarini ozod qildi. Bu haqda, Anadolu agentligi ma’lumotiga tayanib, “TASS” xabar berdi .

Foto: EPA

Ma’lum qilinishicha, harbiy o‘quv muassasalarining harbiy xizmatchilari va kursantlari Istanbul prokurorlari tomonidan o‘tkazilgan surishtiruv doirasida qo‘lga olingan.
Istanbul sudi bundan buyon ushbu odamlarni qamoqda saqlashga zarurat yo‘q degan qarorga keldi. Ular ko‘rsatma bergandan so‘ng qo‘yib yuborildi.
Agentlikning ta’kidlashicha, 231 nafar askar hamon hibsda saqlanmoqda.
29-iyul, juma kuni Turkiya ichki ishlar vaziri Efkan Ala mamlakatda davlat to‘ntarishini amalga oshirishga urinishga aloqadorlikda gumonlanib kamida 18 ming kishi qo‘lga olinganligini ma’lum qilgan edi.
Batafsil | Подробно | Read more... Daryo