Erdo‘g‘on Turkiyadagi barcha harbiy akademiyalarning yopilishi haqida ma’lum qildi

Turkiyada harbiy to‘ntarishga urinishdan so‘ng mamlakatdagi barcha harbiy akademiyalar yopiladi va ularning negizida Milliy mudofaa universiteti tashkil etiladi. Bu haqda Turkiya prezidenti Rajab Toyyib Erdo‘g‘on A Haber telekompaniyasiga bergan intervyusida ma’lum qildi, deb xabar bermoqda “RBK”.

Foto: AP Photo

Bundan tashqari, Turkiya prezidenti barcha qo‘mondon va harbiy boshliqlar Mudofaa vazirligiga bo‘ysunishini aytib o‘tdi. Ayni damda Turkiya Mudofaa kuchlarining operativ organi Bosh shtab hisoblanadi. Uni Mudofaa kuchlari qo‘mondoni boshqaradi.
Turkiya prezidentining so‘zlariga ko‘ra, harbiy akademiyalarning yopilishi haqidagi qaror bugun, 31-iyul kuni hukumat rasmiy saytida e’lon qilinadi.


Turkiyadagi harbiy to‘ntarish


Turkiya Qurolli kuchlarining islohotlari haqida shu hafta bo‘lib o‘tgan Oliy harbiy kengash yig‘ilishida muhokama qilindi. Mazkur yig‘ilishda Erdo‘g‘on mamlakat armiyasi va Milliy razvedka agentligini o‘ziga bo‘ysundirish istagini bildirdi. Buning uchun, mamlakat rahbarining so‘zlariga ko‘ra, konstitutsiyaga o‘zgartirish kiritilishi va muxolifat bilan kelishuvga erishilishi kerak bo‘ladi.
Batafsil | Подробно | Read more... Daryo