International Champions Cup. “Barselona” turnirni “Seltik” ustidan qozonilgan g‘alaba bilan boshladi

Ispaniya chempioni “Barselona” Xalqaro Chempionlar Kubogini 3:1 hisobidagi g‘alaba bilan boshladi. Turnirdagi birinchi uchrashuvini “Lester”ga qarshi o‘tkazib, 1:1 hisobidagi durangga imzo chekkan Shotlandiya klubining kuchi “Barselona”ga yetmadi.

Foto: SkySports

Hisob 11-daqiqada “Barselona”dan ketish ehtimoli bor bo‘lgan Arda Turan tomonidan ochilgan bo‘lsa, 29-daqiqaga kelib shotlandiyaliklar muvozanatni tiklashga muvaffaq bo‘ldi.
31-daqiqada “Seltik” futbolchisi Embrouz avtogol muallifiga aylandi. 41-daqiqada Munir El-Xaddadi o‘yindagi so‘nggi golga mualliflik qildi.
“Seltik” o‘zining so‘nggi uchrashuvini 13-avgust kuni “Inter”ga qarshi o‘tkazadi. “Barselona”ni esa 3-avgust kuni “Lester” bilan, 6-avgust kuni “Liverpul” bilan o‘yinlar kutib turibdi.
International Champions Cup—2016
Dublin, Irlandiya
30-iyul, shanba
“Seltik” — “Barselona” 1:3
Gollar: Turan, 11 (0:1). Griffits, 29 (1:1). Embrouz, 31-avt (1:2). Munir El-Xaddadi, 41 (1:3).
Batafsil | Подробно | Read more... Daryo