Fransiyadagi musulmonlar va katoliklar Normandiyada terrorchilar tomonidan o‘ldirilgan rohibning xotirasini yodga oldi

31-iyul, yakshanba kuni Fransiyadagi barcha cherkovlarda dindorlar Normandiyaning Sent-Etyen-dyu-Ruvre shahrida terrorchilar tomonidan o‘ldirilgan katolik ruhoniysi Jak Amelning xotirasini yodga oldi, deb yozadi “TASS”. Yakshanba ibodatida nasroniylarga hamdardlik belgisi sifatida musulmonlar ham qo‘shildi.

Foto: “Topre.ru”

Asosiy xotirlash ibodati Ruan kafedral soborida bo‘lib o‘tdi, uni Ruan arxiyepiskopi Dominik Lebryon olib bordi, cherkovning o‘zi esa tashrifchilar bilan liq to‘ldi — qadimiy Ruan soboridagi ibodatga 2000 dan ortiq kishi keldi.
Eslatib o‘tamiz, cherkovga uyushtirilgan hujum oqibatida 84 yoshli rohib halok bo‘ldi, bir necha tutqun yaralandi. IShID terrorchilik guruhi cherkovga uyushtirilgan hujum uchun javobgarlikni zimmasiga olgan .
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo