Muqimiy–Rustaveli yo‘l o‘tkazgichi sentabr oyida ishga tushishi rejalashtirilgan

Shu yilning may oyidan buyon Muqimiy va Shota Rustaveli ko‘chalarida qurilayotgan yo‘l o‘tkazgichi sentabr oyida ishga tushishi kutilmoqda. Bu haqda “O‘zbekiston temir yo‘llari” AK axborot xizmati ma’lum qilmoqda .

Foto: “O‘zbekiston temir yo‘llari” AK axborot xizmati

Yo‘l o‘tkazgichining umumiy uzunligi qariyb 1 kilometrga teng bo‘ladi hamda Muqimiy va Bobur ko‘chalarini bog‘lab turadi. Piyodalar uchun bu yerda o‘tgan yili Xadra maydonidagi kabi yer usti o‘tish yo‘li barpo etilib, lift va eskalatorlar bilan jihozlanadi.

Foto: “O‘zbekiston temir yo‘llari” AK axborot xizmati

Yarim aylana shaklidagi radiusi 150 daraja bo‘lgan Muqimiy–Rustaveli yo‘l o‘tkazgichi o‘z konstruksiyasi bo‘yicha O‘zbekistonda birinchi sun’iy inshoot hisoblanadi.
Bundan tashqari, “O‘zbekiston temir yo‘llari” AK tomonidan Oqtepa maydonida avtomobil yo‘l kesishmalarida keng ko‘lamli o‘zgarishlar olib borilmoqda. Bu yerda Bo‘rijar kanali orqali suv quvurlari o‘tkazilmoqda va undagi beton konstruksiyasi ustidan avtomobil yo‘li o‘tadi. Shuningdek, ikkita yer usti o‘tish yo‘li quriladi. Loyihaga ko‘ra, ular ham lift va eskalatorlar bilan jihozlanadi.
Shuningdek, Nurafshon ko‘chasinining qurilishini davom ettirish loyihasi bo‘yicha tramvay yo‘llari o‘tgan va demontaj qilinganidan so‘ng Oqtepa maydonidan Muqimiy, Shota Rustaveli, Qushbegi ko‘chalarigacha, Kichik avtomobil halqa yo‘li bo‘ylab Shimoliy vokzal orqali Taraqqiyot ko‘chalarining yo‘llarini kengaytirish bo‘yicha qurilish ishlari davom etmoqda.
Yuqoridagi barcha obyektlarning qurilish ishlari va rekonstruksiyasi sentabr oyida yakunlanishi ko‘zda tutilgan.
Batafsil | Подробно | Read more... Daryo