Foto: Toshkentning Nukus va Avliyoota ko‘chalari chorrahasida Nexia Matiz bilan to‘qnashdi

Toshkentning Nukus va Avliyoota ko‘chalari chorrahasida 31-iyul, yakshanba kuni Matiz va Nexia avtomobillari ishtirokida yo‘l-transport hodisasi yuz berdi. Bu haqda Facebook’dagi “Voditeli Tashkenta (Drivers.uz)” guruhida fotoxabar qoldirilgan .

Foto: Facebook / “Voditeli Tashkenta (Drivers.uz)”

Hodisa soat 15:00—15:30 oralig‘ida yuz bergan. Aynan qanday yuz bergani haqida aniq ma’lumot yo‘q. Hodisa natijasida tan jarohati olib, jabrlanganlar haqida aniq ma’lumot mavjud emas.

Foto: Facebook / “Voditeli Tashkenta (Drivers.uz)”

Fotoxabar muallifi hodisa guvohlarini guvohlik berib, yordam ko‘rsatishga chaqirgan. Bir guruh foydalanuvchilar mazkur chorraha kuzatuv kameralari bilan ta’minlangani, vaziyatga oydinlik kiritish uchun ularning yozuvi yetarli bo‘lishini ta’kidlagan.
Ayni vaqtda, boshqa foydalanuvchilarning ta’kidlashicha, kameralarning yozuvini imkon qadar tezroq olish kerak. “Kameralarning yozuvi bir hafta ichida o‘chib ketadi, bir tanishim shuni bilmay qolib, aybdor bo‘lib qoldi”, — qabilida xabar qoldirgan guruh a’zolaridan biri.
Shu bilan birga, fotoxabar ostida fikr bildirgan foydalanuvchilarning ko‘pchiligi avtomobilni videoregistrator bilan jihozlash davr talabi ekani, boz ustiga, so‘nggi vaqtlarda mazkur uskuna narxi sezilarli arzonlashib, ommabop bo‘lib qolganini yozgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo