AQShning uchta strategik razvedkachi samolyoti Rossiya chegaralariga yaqin keldi

Amerikaning biryo‘la uchta RC-135 strategik razvedkachi samolyoti 1-avgust, dushanba kuni Boltiq dengizi va Uzoq Sharqda Rossiya chegaralariga yaqin keldi, deya xabar bermoqda “Interfaks” harbiy aviatsiya harakatini kuzatuvchi G‘arb saytlariga tayanib.

Foto: US Air Force

Ularning ma’lumotlariga ko‘ra, Buyuk Britaniyadagi “Mildenxoll” aviabazasidan uchib chiqqan razvedkachi samolyotlar Kaliningrad viloyatining Boltiq bilan chegarasigacha uchib borgan. AQSh harbiy-havo kuchlarining yana bir razvedkachi samolyoti esa Chukotka muxtor okrugining Anadir shahriga yaqinlashgan.
Nashr ta’kidlashicha, so‘nggi vaqtlarda AQSh harbiy-havo kuchlari Boltiq va Uzoq Sharq mintaqasida Rossiya dengiz va quruqlik chegaralari yaqinidagi razvedka parvozlarini ko‘paytirdi. So‘nggi uch oyning o‘zida RC-135 razvedkachi samolyotlari Kaliningrad viloyati chegaralari yaqiniga 40 marta parvoz qildi.
Batafsil | Подробно | Read more... Daryo