3-avgust kuni Toshkent vaqti bilan 21:00 da Rio—2016 ning futbol musobaqasi start oladi

Rio-de-Janeyro Olimpiadasining ochilish marosimi 5-avgust kuni bo‘lsada, qolgan sport musobaqalaridan uzoqroq davom etadigan futbol turniri 3-avgustdan e’tiboran start oladi. Bu borada musobaqani ayol futbolchilar boshlab beradi.

Foto: Sports24hour.com

Toshkent vaqti bilan 21:00 da Shvetsiya hamda JAR ayollar terma jamoalari Rio—2016 ning ilk rasmiy turnirini boshlab beradi. 23:55 dan boshlab esa futbol muxlislari mezbon Braziliya ayollarining Xitoyga qarshi bellashuvini tomosha qilishi mumkin bo‘ladi.
Ayollar o‘rtasidagi futbol turnirida dunyoning 12 ta eng kuchli termalari ishtirok etmoqda. Ular 3 ta guruhga bo‘lib chiqilgan. Dastlabki ikki o‘rin egalari chorak finalga yo‘l oladi. 3 ta guruh yakuniga ko‘ra 3-o‘rinni qo‘lga kiritgan eng yaxshi ikki terma jamoa ham chorak finalchilar qatoriga qo‘shiladi.
Rio—2016. Ayollar futboli



“E” guruhi
“F” guruhi
“G” guruhi


Braziliya
Kanada
Kolumbiya


Shvetsiya
Germaniya
Fransiya


JAR
Zimbabve
AQSh


Xitoy
Avstraliya
Yangi Zelandiya



Erkaklar o‘rtasidagi futbol turniri 4-avgust kuni 21:00 da Iroq hamda Daniya o‘rtasidagi o‘yin bilan start oladi. Samvel Babayan ustozlik qilgan O‘zbekiston olimpiya terma jamoasi aynan Iroqdan mag‘lub bo‘lib, Rio yo‘llanmasidan chetda qolgandi. 4-avgust kuni 23:55 da Braziliya hamda JAR olimpiyachilari maydonga chiqib keladi.
Erkaklar futbol musobaqasida 16 ta terma jamoa g‘oliblik uchun kurash olib boradi. Har bir guruhda dastlabki ikki o‘rinni qo‘lga kiritgan terma jamoalar chorak final yo‘llanmasiga ega chiqadi.
Rio—2016. Erkaklar futboli



“A” guruhi
“B” guruhi
“C” guruhi
“D” guruhi


Braziliya
Kolumbiya
Meksika
Argentina


Daniya
Shvetsiya
Germaniya
Portugaliya


JAR
Nigeriya
Fiji orollari
Jazoir


Iroq
Yaponiya
Janubiy Koreya
Gonduras




Batafsil | Подробно | Read more... Daryo