Indoneziyadagi maktablarda Pokemon Go’ni o‘ynashga taqiq qo‘yiladi

Indoneziya hukumati mamlakat maktablarida mashhur Pokemon Go o‘yinini o‘ynashga taqiq qo‘yadi, deb xabar beradi “TASS”.

Foto: Reuters

“O‘quv muassasalariga o‘yin o‘rnatilgan smartfonlarni olib kelishni taqiqlovchi farmoyish tayyorlab qo‘yilgan”, – deya ma’lum qildi Ayollarning huquqini kengaytirish va bolalarni muhofaza qilish vaziri Yoxana Susana Yembise.
“Bunday o‘yinlar bolalarning aqliy rivojlanishiga zarar yetkazishi, ularni erinchoq qilishi mumkinligi uchun shunday choralar qo‘llayapmiz”, – deya qo‘shimcha qildi vazirlik rahbari, ammo taqiq qachon kuchga kirishiga oydinlik kiritmadi.


Indoneziyada politsiyachilarga Pokemon Go o‘ynash taqiqlandi


Yoxana Susana Yembise bolalarda boshqa qobiliyatlarni rivojlantiruvchi xobbilar izlashni taklif qildi.
Avvalroq Indoneziya prezidenti saroyi, politsiya shtab-kvartirasi hamda Mudofaa vazirligi muassasalarida pokemonlarni ovlash rasman taqiqlangandi.
Batafsil | Подробно | Read more... Daryo