Samarqand, Andijon va Farg‘ona 2-avgust kuni O‘zbekistonning yirik shaharlari orasida eng salqini bo‘ldi

O‘zbekiston viloyat markazlari va yirik shaharlari orasida 2-avgust, seshanba kuni eng salqin havo Samarqand, Andijon va Farg‘ona shaharlarida qayd etildi. “O‘zgidromet” ma’lumotiga ko‘ra ( pdf ), har uchala shaharda maksimal havo harorati +33 darajagacha ko‘tarilgan.

Foto: “Telegraf.uz”

Shu kuni Namangan shahrida eng yuqori havo harorati +34 darajani, Urganch, Navoiy, Jizzax, Guliston, Toshkent shaharlarida +35 darajani, Nukus, Buxoro shaharlarida +36 darajani, Qarshi, Termiz shaharlarida +38 darajani tashkil etgan.
Mamlakatning tog‘li hududlarida salqin iqlim sharoiti saqlanib qolgan — Chimyonda eng yuqori havo harorati +24 darajadan oshmagan bo‘lsa, Qamchiq dovonida maksimal harorati +19 darajani tashkil etgan. “O‘zgidromet” ma’lumotiga ko‘ra, 2-avgust kuni O‘zbekiston hududidagi eng issiq harorat Buxoro viloyatining Jongeldi qishlog‘ida qayd etilgan — +39 daraja.

Skrinshot: “O‘zgidromet”

Ma’lumot uchun, “O‘zgidromet” markazi 2-avgust kuni Samarqand viloyatida havo harorati +39 darajagacha, Andijon va Farg‘ona viloyatlarida esa +35 darajagacha ko‘tarilishi mumkinligi haqida axborot bergan edi .
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo