Toshkent xalqaro aeroportining yangi “Toshkent-4” terminali qurilishining texnik-iqtisodiy asosini ishlab chiqish ishlari yakuniga yetdi

Toshkent aeroportining yangi yo‘lovchi terminali — “Toshkent-4”ni qurish bo‘yicha loyiha texnik-iqtisodiy asosini ishlab chiqish ishlari yakuniga yetdi. Bu haqda “O‘zbekiston havo yo‘llari” milliy aviakompaniyasi matbuot xizmati xabar bermoqda .

Foto: UzDaily

Loyiha texnik-iqtisodiy asosi 2016-yilning yanvar-iyul oylari davomida ishlab chiqildi. Hujjatni tayyorlash asnosida Janubiy Koreya tomoni Toshkent aeroporti va O‘zbekiston aviatsiya sohasining joriy holati, rivojlanish istiqbollarini baholash va “Toshkent-4” xalqaro yo‘lovchi terminalini qurish konsepsiyasi ishlab chiqish bo‘yicha katta hajmda ish olib borgan.
“Toshkent aeroportining yangi xalqaro yo‘lovchi terminali (“Toshkent-4”)ni qurish” loyihasi 2015—2019-yillarga mo‘ljallangan Muhandislik-kommunikatsiya va yo‘l-transport infratuzilmasini rivojlantirish va modernizatsiya qilish dasturiga muvofiq amalga oshirilmoqda. 2016-yilda loyiha texnik-iqtisodiy asosini ishlab chiqish, kelishish va tasdiqlash, moliyalashtirish va qurilish-montaj ishlarini boshlash ko‘zda tutilgan.


Foto: Toshkent xalqaro aeroportining yangi terminali 2019-yil oxirigacha qurib bitkaziladi


Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo