Qozog‘istonda vagonlarning benzin sisternalariga to‘qnashib ketishi oqibatida katta yong‘in kelib chiqdi

Qozog‘istonning Janubiy Qozog‘iston viloyati Qorabuloq qishlog‘i yaqinidagi neft bazasida vagonlarning benzin sisternalariga to‘qnashishi oqibatida katta yong‘in kelib chiqdi. Bu haqda “Interfaks” xabar bermoqda .

Foto: “Ekspress-K”

“‘Kazstroyservis’ korxonasi tomonidan temir yo‘l orqali katta tezlikda ichida ikkita ‘Ural’ avtomobili va bochka bo‘lgan uchta vagon ‘Munay BK’ korxonasi hududiga kirib keldi. Benzin quyilayotgan vaqtda vagonning sisternalarga urilishi oqibatida yong‘in kelib chiqdi”, – deya “Interfaks”ga ma’lum qildi viloyat favqulodda vaziyatlar departamenti boshlig‘i vazifasini bajaruvchi Nurbolat Derbisov.
Ma’lumotlarga ko‘ra, 8 ta sisterna va uchta vagon yonib ketdi.
Yong‘inni bartaraf qilish ishlari davom etmoqda. Unga 100 kishi hamda 20 ta texnika va o‘t o‘chirish poyezdlari jalb etildi.
Hodisa oqibatida halok bo‘lgan va jarohatlanganlar yo‘q.
Batafsil | Подробно | Read more... Daryo