Yamalda harbiy mutaxassislar Sibir kuydirgisidan halok bo‘lgan bug‘ularning 14 foizi qoldiqlarini yo‘q qildi

Rossiya markaziy harbiy okrugining radiatsiya, kimyo va biologik himoya bo‘linmalari Yamal-Nenets avtonom okrugida Sibir kuydirgisidan halok bo‘lgan 342 ta bug‘u qoldiqlarini yo‘q qildi. Bu haqda 4-avgust, payshanba kuni okrug qo‘shinlari qo‘mondoni yordamchisi polkovnik Yaroslav Roshchupkin ma’lum qildi, deya xabar bermoqda “TASS”.

Foto: “TASS”

“Harbiy mutaxassislar kuydirgi oqibatlarini bartaraf etish sur’atini oshirdi. O‘tgan sutkalar davomida 155 ta hayvonning qoldiqlari yo‘q qilindi. Jami halok bo‘lgan hayvonlarning 14 foizi — 342 ta bug‘u qoldiqlari yo‘q qilindi”, — deydi u.
Harbiy mutaxassislar sentabr oyigacha Sibir kuydirgisi o‘chog‘i oqibatlarini bartaraf etish va Yamal tundrasini tozalashga erishish mumkinligini ma’lum qildi.
Yamalda Sibir kuydirgisi oqibatlarini bartaraf etish bo‘yicha operatsiya 1-avgust kuni boshlangan edi .
Batafsil | Подробно | Read more... Daryo