Qirg‘izistonda terrorchilar fuqarolikdan mahrum qilinadi

Qirg‘iziston prezidenti Almazbek Atambayev xalqaro terrorizm va ekstremizm uchun javobgarlikni kuchaytiruvchi qonunni imzoladi. Bu haqda mamlakat rahbari matbuot xizmati “Interfaks”ga ma’lum qildi .

Foto: “Visasam.ru”

“O‘zgartirishlar jazo hamda qamoq jazosini o‘tash joylarida shart-sharoitni yanada kuchaytirishga qaratilgan, shuningdek, terrorizm va ekstremizm faoliyati bilan sudlanganlarning fuqaroligidan mahrum qilish choralari ham nazarda tutilgan”, – deya ma’lum qilindi “Interfaks”ga.
2015-yilda Atambayev Suriya hududidagi urushda terrorchilar tomonida ishtirok etayotgan qizg‘izistonliklarni fuqarolikdan mahrum qilish kerakligi haqida ma’lum qilgandi.
Qirg‘iziston milliy xavfsizlik davlat qo‘mitasining ma’lumotlariga ko‘ra, Suriya, Iroq va Afg‘onistondagi jangovar hududlarga 600 nafardan ortiq Qirg‘iziston fuqarolari kirib borgan va xalqaro terrorchilik guruhlariga qo‘shilgan. Ulardan 70 nafari halok bo‘lgan.
Batafsil | Подробно | Read more... Daryo