Avvalgi Olimpiada o‘yinlarida olingan doping-namunalar takroriy tahlili 100 ta ijobiy natijani chiqardi

2008-yil Pekinda, 2012-yil Londonda bo‘lib o‘tgan Olimpiada o‘yinlari chog‘ida olingan doping-namunalar qaytadan tahlil qilinganida taxminan 100 ta ijobiy natija chiqdi, deb yozadi “Interfaks” Xalqaro olimpiya qo‘mitasi rahbari Tomas Baxga tayanib.

Foto: “Interfaks”

“2008 va 2012-yillardagi O‘yinlarda olingan namunalar qaytadan tahlil qilindi. Tahlil 100 ga yaqin sportchi doping qabul qilganini ko‘rsatdi, ular Riodagi O‘yinlarda qatnasha olmaydi”, — dedi Bax.
Joriy Olimpiadaga keladigan bo‘lsa, Rio-de-Janeyrodagi yozgi O‘yinlar chog‘ida olingan namunalar o‘n yil davomida saqlanadi.
XOQ rahbari ta’kidlashicha, XOQ “doping qabul qilganlik uchun sanksiyalar haqidagi masalani ko‘rib chiqmaydi, bu bilan Sport arbitraj sudi shug‘ullanadi”.
Batafsil | Подробно | Read more... Daryo