AQShda olimpiadachilar mukofot puli uchun soliqlarni bekor qilish bo‘yicha imzo yig‘ish boshlandi

“Amerikaliklar soliq islohoti tarafdori” jamoatchilik tashkiloti AQShda  sportchilarni Olimpiada o‘yinlaridagi g‘alabasi uchun qo‘lga kiritadigan mukofot puli uchun soliq to‘lashdan ozod etish uchun imzo yig‘ishni boshladi, deb yozadi “TASS”.

Foto: “Sport.mail.ru”

Ular internetdagi sahifasiga tegishli petitsiyani joylashtirdi. To‘plangan imzolar AQSh Kongressiga yo‘naltiriladi, u yerda olimpiadachilarni mukofot puli uchun soliq to‘lashdan ozod qilish bo‘yicha qonunchilik tashabbuslari allaqachon ko‘rib chiqilmoqda.
AQSh olimpiya qo‘mitasi to‘laydigan mukofot pullari oltin medal uchun 25 ming dollar, kumush uchun 15 ming dollar va bronza uchun 10 ming dollarga teng. Jamoatchilik tashkiloti ma’lumotlariga ko‘ra, ushbu summalar uchun har bir sportchidan olinadigan soliqlar vaziyatga qarab tegishli ravishda  9900, 5940 va 3960 dollargacha bo‘lishi mumkin.
AQSh Kongressida hozirda ushbu soliqlarni bekor qilish to‘g‘risidagi ikkita qonun loyihasi ko‘rib chiqilmoqda.
Batafsil | Подробно | Read more... Daryo