Shifokorlar Pelega Rio—2016 Olimpiada o‘yinlari mash’alasini yoqishga ruxsat berdi

Shifokorlar Braziliya futboli afsonasi Pelega Rio–2016 Olimpiada o‘yinlari mash’alasini yoqishga ruxsat berdi, ammo unga mushaklardagi og‘riqlar bu ishni amalga oshirishga to‘sqinlik qilishi mumkin. Bu haqda Reuters agentligiga tayanib, “TASS” xabar bermoqda .

Foto: AP Photo

Avvalroq 75 yoshli braziliyalik 5-avgust kuni “Marakana” stadionida bo‘lib o‘tadigan Rio–2016 Olimpiada o‘yinlarining ochilish marosimida musobaqa mash’alasini yoqish uchun rasman taklif olgani haqida xabar berilgandi .
Pelega Olimpiada mash’alasini yoqish uchun salomatligi to‘sqinlik qilishi mumkin. Dekabr oyida oyog‘ining son qismidan operatsiya qilingandi va harakatlanish uchun hassadan foydalanmoqda. “Shifokorlar Pelega mash’alani yoqishga ruxsat berdi, ammo barchasi uning yurishiga xalal beruvchi mushaklaridagi og‘riqqa bog‘liq”, – dedi Pelening rasmiy vakili.
Eslatib o‘tamiz, afsonaviy futbolchi Rio–2016 Olimpiada o‘yinlariga bag‘ishlangan “Umid” nomli qo‘shiq yozdi .
Batafsil | Подробно | Read more... Daryo