Toshkent–Buxoro poyezdi 3,5 soat yo‘l yuradi

Samarqand-Buxoro uchastkasida tezkor elektr poyezdlar harakatini tashkil etish bo‘yicha 2015-yilda boshlangan loyiha yakunlanish arafasida. Bu haqda “Gazeta.uz” xabar bermoqda .

Foto: “Dasturxon.com”

Aytilishicha, loyiha yakunlanganidan so‘ng yo‘lovchilar Toshkentni Buxorodan ajratib turuvchi 620 kilometr masofani 3 soat 30 daqiqada bosib o‘tadi.
Loyiha doirasida 140,2 kilometrlik yangi Maroqand–Navoiy uchastkasi qurildi. Navoiydan Buxoroga boradigan temir yo‘l 160 kilometr/soat tezlikka mo‘ljallangan.
Yo‘nalishda 220 dan ortiq turli inshootlar bino etilgan bo‘lib, piyodalar o‘tish joylari, yo‘l o‘tkazgichlar, ko‘priklar va stansiyalar shular jumlasidandir.
O‘tgan yil kuzida “O‘zbekiston temir yo‘llari” AJ Ispaniyaning Patentes Talgo kompaniyasi O‘zbekistonga ikkita yuqori tezlikka ega Talgo poyezdlarini yetkazib berish bo‘yicha shartnoma imzoladi. Hozir Toshkent–Samarqand–Qarshi yo‘nalishida qo‘llanayotgan shu kabi ikki poyezddan farqli ravishda, yangi sostavlar bittadan qo‘shimcha yo‘lovchi vagoniga ega bo‘ladi. Shu tariqa, restoran vagoni bilan birga ularda jami 10 tadan vagon bo‘ladi.
Batafsil | Подробно | Read more... Daryo