Putin va Erdo‘g‘on urib tushirilgan Su-24 uchun badal puli to‘lanishi masalasini muhokama qiladi

9-avgust kuni bo‘lib o‘tadigan Rossiya va Turkiya prezidentlari uchrashuvida urib tushirilgan Su-24 samolyoti uchun tovon puli to‘lanishi masalasi ko‘rib chiqiladi. Bu haqda, Rossiya prezidenti Vladimir Putinning yordamchisi Yuriy Ushakovga tayanib, “TASS” xabar bermoqda .

Foto: “Hronika.info”

Ushakov Turkiya samolyot uchun tovon puli to‘lamaganini eslatib o‘tdi.
“Yo‘q, to‘lashmadi. Bu masala ham muhokama qilinsa kerak”, — dedi u brifing chog‘ida.
Shuningdek, Ushakov oxirgi telefon suhbatlari Vladimir Putin va Rajab Toyyib Erdo‘g‘onning uchrashuviga zamin yaratganini ta’kidlab o‘tdi:
“Bu qadamlar ikki yetakchining Sankt-Peterburg uchrashuviga olib keldi. Ular keyinchalik Turkiya bilan munosabatlarimizning butun kompleksi me’yoriga kelishiga zamin yaratadi deb umid qilaman”.
Batafsil | Подробно | Read more... Daryo