OAV: OPEK neft qazib chiqarish hajmini “muzlatib qo‘yish” haqidagi muzokaralarni yangilamoqchi emas

OPEK (Neftni eksport qiladigan mamlakatlar tashkiloti)ga a’zo mamlakatlar neft qazib chiqarish hajmini “muzlatib qo‘yish” haqidagi muzokaralarga qaytishni rejalashtirmayapti. Bu haqda Bloomberg’ga OPEKning ikki vakili ma’lum qildi, deb yozadi “TASS”.

Foto: “RIA Novosti”

Jazoirda 26—28-sentabr kunlari bo‘lib o‘tadigan Xalqaro energetika forumida “birlashmaga kirmaydigan mamlakatlar bilan hamkorlik masalalari muhokama qilinadi”, dedi forumning ushbu delegatlari.
Avvalroq The Wall Street Journal neftni eksport qiluvchi mamlakatlar Jazoirdagi sammitda qazib chiqarishni muzlatib qo‘yish g‘oyasiga qaytishi mumkinligini ma’lum qilgan edi. Shu bilan birga, gazeta bu masalada ko‘p narsa Rossiya muzokaralarda qatnashish-qatnashmasligiga bog‘liq bo‘lishini ham ta’kidlagan edi.
So‘nggi marta neft qazib chiqarish hajmini muzlatib qo‘yish g‘oyasi Qatar poytaxti Dohada 17-aprel kuni muhokama qilingan edi. Uchrashuvga 18 ta mamlakat delegatsiyasi kelgan, muzokaralarning 19-ishtirokchisi (Eron) uchrashuv arafasida bu masalani muhokama qilishdan bosh tortgan edi.
Batafsil | Подробно | Read more... Daryo