Argentinalik sudya sobiq prezident Kirshnerga nisbatan ochilgan ishni qayta ko‘rib chiqishdan bosh tortdi

Argentinalik federal sudya Daniel Rafekas sobiq prezident Kristina Fernandes de Kirshnerga qarshi ochilgan ishni qayta ko‘rib chiqishdan bosh tortdi. Prokuror Alberto Nisman uni 1994-yili poytaxt Buenos-Ayresda sodir etilgan teraktni o‘rganishga xalaqit berishda ayblagandi, deya xabar beradi “TASS”.

Foto: EPA

2015-yil yanvarida Nisman Kirshner va sobiq tashqi ishlar vaziri Ektor Timermanni 85 kishining hayotiga zomin bo‘lgan Buenos-Ayresdagi yahudiylar madaniy markazida sodir etilgan teraktni o‘rganishga to‘sqinlikda aybladi. Uning ta’kidlashicha, hukumat Eron bilan neft evaziga don yetkazib berish yuzasidan muzokaralar olib borgan. Prokurorga ko‘ra, kelishuv shartlaridan biri teraktga aloqadorlikda gumon qilinib, Argentina tomonidan qidirilayotgan besh nafar eronlikning javobgarlikdan ozod etilishi bo‘lgan.
Nisman o‘z dalil-isbotlarini Kongressda taqdim etishidan bir sutka oldin o‘z kvartirasida o‘lik holda topildi. Uning o‘limi sabablarini o‘rganish hozirgacha davom etmoqda.
Batafsil | Подробно | Read more... Daryo