Argentina prezidenti: Lionel Messi JCh–2018 turnirida ishtirok etadi

“Barselona” hujumchisi Lionel Messi Argentina terma jamoasi safida 2018-yili Rossiyada bo‘lib o‘tadigan futbol bo‘yicha jahon chempionatida ishtirok etadi. Bu haqda Argentina prezidenti Maurisio Makri ma’lum qildi, deb xabar bermoqda “TASS”.

Foto: EPA

“Messi Rossiyada bo‘lib o‘tadigan jahon chempionatida ishtirok etadi va jamoa yetakchisi bo‘ladi. Ishonchim komil, u yana eng yaxshilaridan biriga aylanadi. Messi Argentinaning buyuk futbolchisi va u o‘zini qulay his qilishi uchun o‘z minnatdorchiligimizni ko‘rsatishimiz kerak”, – dedi Makri.
Argentina prezidenti avvalroq ham 29 yoshli futbolchining mamlakat termasi safiga qaytishiga ishonch bildirgandi .
Eslatib o‘tamiz, Lionel Messi Chiliga qarshi ( 0:0, penaltilar bo‘yicha: 2:4 ) Amerika Kubogi–2016 finalidagi mag‘lubiyatdan so‘ng terma jamoadagi ishtirokini yakunlashini  e’lon qilgandi .
Messini o‘z fikridan qaytarish uchun Buenos-Ayresda unga atalgan haykal  o‘rnatildi . Shuningdek, ushbu shaharda yuzlab argentinaliklar Messining terma jamoaga qaytishini so‘rab aksiya uyushtirgan edi .


Messi nima sababdan terma jamoani tark etishga qaror qilganini tushuntirib berdi


Ma’lumot uchun, Argentina terma jamoasi Messi bilan to‘rtta – 2007, 2015 va 2016-yillarda Amerika Kubogi finallarida hamda 2014-yili Jahon chempionati finalida imkoniyatni boy bergandi.
Batafsil | Подробно | Read more... Daryo