Misrda halok bo‘lgan meksikalik sayyohlarning jasadi kelgusi hafta vataniga yetkaziladi

Meksika prezidenti Enrike Penya Neto Misr harbiy-havo kuchlari o‘q yog‘dirishi oqibatida halok bo‘lgan sakkiz nafar meksikalikning jasadi tergov bilan bog‘liq jarayonlar yakunlangandan so‘ng kelgusi haftada vataniga yetkazilishini ma’lum qildi. Bu haqda “RIA Novosti” xabar bermoqda .

Foto: gooddays.ru

 
Davlat rahbari uning samolyotida 18-sentabr, juma kuni Mexikoga keltirilgan Misrda jarohatlangan hamyurtlarini kasalxonaga borib ko‘rdi. Uning ta’kidlashicha, mamlakat hukumati mazkur fojia yuz bergan paytdan boshlab vaziyatga aralashgan va Misr rasmiylariga hodisani chuqur o‘rganish hamda yetkazilgan zararni qoplab berish talab etilgan norozilik notasi yuborgan. Qohira Meksika tomoni talablarini qondirishga tayyor ekanligini bildirgan.
Eslatib o‘tamiz, 13-sentabr, yakshanba kuni Misr harbiy-havo kuchlari mamlakat markazidagi al-Vahat hududida to‘rtta avtomobilda ketayotgan meksikalik sayyohlar hamda ularga hamrohlik qilayotgan misrliklarni terrorchilar bilan adashtirib, o‘qqa tutgani oqibatida sakkiz nafar meksikalik va to‘rt nafar misrlik halok bo‘lgandi .
Batafsil | Подробно | Read more... Daryo