O‘zbekiston termasining JCh–2018 saralashidagi Suriyaga qarshi o‘yini boshlanish vaqti o‘zgardi

O‘zbekiston milliy terma jamoasining Jahon chempionati–2018 saralashining uchinchi bosqichi doirasidagi dastlabki uchrashuvi boshlanish vaqti o‘zgardi. Bu haqda O‘zbekiston futbol federatsiyasi matbuot xizmati xabar bermoqda .

Foto: O‘FF matbuot xizmati

1-sentabr kuni “Bunyodkor” stadionida bo‘lib o‘tadigan ushbu uchrashuv boshlanish vaqti avvalroq 19:00 qilib belgilangan edi. Ammo xavfsizlikni ta’minlash masalalari nuqtai nazaridan ushbu o‘yin start olish vaqti 20:00 qilib belgilandi.
Qayd etish joiz, JCh–2018 saralashining uchinchi bosqichiga tayyorgarlik ko‘rayotgan Samvel Babayan boshchiligidagi O‘zbekiston milliy terma jamoasi 20-avgustdan rasmiy o‘yinlar oldidan so‘nggi yig‘inini boshlaydi.
Ushbu yig‘in davomida bitta o‘rtoqlik uchrashuvi o‘tkazish rejalashtirilgan. Ushbu xalqaro o‘rtoqlik uchrashuvida O‘zbekistonning raqibi Burkina-Faso terma jamoasi bo‘ladi . Uchrashuv 24 avgust kuni, “Bunyodkor” stadionida bo‘lib o‘tadi.
Batafsil | Подробно | Read more... Daryo