Rossiyaning Tu-22M3 bombardimonchilari IShIDning Palmiradagi marralariga zarba berdi

Rossiyadan uchgan Tu-22M3 bombardimonchilari IShIDning Palmira (Suriya) sharqi va shimoli-g‘arbidagi marralariga zarbalar berdi. Bu haqda Rossiya mudofaa vazirligi press-relizida ma’lum qilingan, deya xabar beradi “Gazeta.ru”. 

Foto: “RIA Novosti”

“Rossiya Federatsiyasi hududidan uchgan oltita Tu-22M3 uzoq masofaga uchadigan bombardimonchilari Palmira sharqi va shimoli-g‘arbidagi, As-Suxna va Araq aholi punktlari yaqinidagi IShID marralariga parcha-fugasli o‘q-dorilar bilan zarbalar berdi”, — deyiladi press-relizda. 
Zarba natijasida As-Suxna shahri hududida terrorchilarning boshqaruv punkti va yirik dala lageri yo‘q qilindi. Shuningdek, Palmira va Araq hududlarida boshqaruv punktlari va terrorchilar yig‘ini, o‘q-dori va qurol-aslaha yerosti ombori yo‘q qilindi. 

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo