AQSh olimpiya qo‘mitasi sport texnologiyalari rivojiga 1,25 mln dollar ajratdi

AQSh milliy olimpiya qo‘mitasi joriy yilda sport sohasidagi ilmiy tadqiqotlarga 1,25 million dollar ajratdi va 2020-yilga qadar bo‘lgan davrda shu maqsadlarga yana 2 million dollar sarflamoqchi. Bu haqda, AP’ga asoslanib, “TASS” xabar bermoqda .

Foto: Sport Illustrated

“Yengil atletika bo‘yicha AQSh terma jamoasi Rio-de-Janeyroda qo‘lga kiritishni umid qilayotgan g‘alabalar asosi Kaliforniyadagi tayyorgarlik markazida bo‘lib, u yerda dastavval golf o‘yinchilariga mo‘ljallangan yangi texnologiyalardan foydalanilmoqda. Amerikalik yengil atletlar yadro yoki bolg‘aning uchish trayektoriyasini aniq kuzatish imkonini beradigan Track Man tizimidan foydalandi”, — deyiladi ko‘mita tarqatgan matbuot xabarnomasida.
Qo‘mitaning yangi texnologiyalar bo‘yicha mutaxassisi Fil Chitemning so‘zlariga qaraganda, aynan shu texnologiyalar tufayli atletlar o‘z natijalarini qisqa muddatlarda yaxshilab olishga erishdi.
Batafsil | Подробно | Read more... Daryo